Light Nepal

महिला साफ च्याम्पियनसिपमा आज भारत र माल्दिभ्स खेल्दै

काठमाडौं, फागुन २९ । साफ च्याम्पियनसिप फुटलबको दोस्रो खेलमा आज भारत र माल्दिभ्स प्रतिस्पर्धा गर्दैछन् । विराटनगरस्थित शहिद रंगशालामा खेल दिउँसो ३ बजे सुरु हुनेछ ।

समुह बीमा रहेका दुवै टोली जित निकाल्दै सेमिफाईनल यात्रा सहज बनाउन चाहन्छन् । प्रतियोगिता अगाडी भारतीय टिमले हङकङ र ईन्डोनेसियासंग मैत्रिपुर्ण म्याच खेलेको थियो ।

साथमा टर्कीमा भएको टर्किस वुमन्स कप र घरेलु मैदानमा हिरो गोल्डकप समेत खेलेको थियो । टोलीले एएफसी वुमन्स कपको दोस्रो चरण र साफको तयारीलाई संगसंगै अघि बढाएको थियो । साफका पछिल्ला ४ संस्करणमा भारतीय टिम अपराजित छ ।

उसले लगातार १९ खेलमा पराजय भोगेको छैन ।

प्रतिक्रिया दिनुहोस्